Soʻzim tingla, dunyo bir muddat
Bunchalar ham ishlaring gʻalat.
Yaxshilarni gʻamlarga koʻmib,
Yomonlarga qilding muruvvat.
Dunyo! Dunyo! Bir kam dunyosan.
Kimni xoʻrlab, kimni suyasan, yorugʻ dunyosan!
Dunyo! Dunyo! Nohaq dunyosan
Qadamingni qandoq qoʻyasan, nohaq dunyosan!
Boʻlsa agar koʻzlaring ochiq,
Qilmishingga bir-bir boqib chiq.
Dunyo boʻlsang keng boʻlgin dunyo,
Va barchaga teng boʻlgin dunyo!
Dunyo! Dunyo! Bir kam dunyosan.
Kimni xoʻrlab, kimni suyasan, yorugʻ dunyosan!
Dunyo! Dunyo! Nohaq dunyosan
Qadamingni qandoq qoʻyasan, yorugʻ dunyosan!
Nokaslarni bor qiladursan,
Kimki haqsoʻz xor qiladursan,
Egrilarga eshmisan, soʻzla
Nechun gʻalat kor qiladursan.
Dunyo! Dunyo! Bir kam dunyosan.
Torozingni qanday qoʻyasan, yorugʻ dunyosan!
Dunyo! Dunyo! Bir kam dunyosan.
Kimni xoʻrlab, kimni suyasan, achchiq dunyosan!
Dunyo! Dunyo! Haqsiz dunyosan
Qadamingni qandoq qoʻyasan, nohaq dunyosan!
